Hann var ein av bleiktrandi stjørnunum í sjónvarpsrøðini Hoydalar, sum Kringvarpið sendi fyrr í ár.
Bjarki Virgarsson Trondesen er úr Vestmanna, og hann hevði fleiri frálíkar tulkingar av kendum sangum í Hoydølum – ikki minst var hansara útgáva av sanginum “Spor í sandi” hjá Martini Joensen framúr. Sangurin fekk nýtt lív og varð eitt hitt.
Síðani luttøkuna í Hoydølum hevur Bjarki framført til ymisk tiltøk kring landið. Hann hevur eisini givið sín fyrsta sang út. Sangurin eitur “Fool” og kom út í mai mánaði.
Bjarki hevur framførslu í Silvalandi á Summar Festivalinum, sum verður hildin í døgunum frá 6. til 8. august.
