Skip to content Skip to footer

RSP á Summar Festivalin

Væl umtókti rappbólkurin spælir á landsins størsta tónleikatiltaki í august

Nú hittast heitasti rappbólkurin í Føroyum og landsins størsta tónleikatiltak á fyrsta sinni.

RSP spælir á Summar Festivalinum í august, og bólkur og festivalur kunnu lova, at tað verður uppliving fyri lívið. Ja, tað kann neyvan verða størri.

Mynd: Bjarni Arting Rubeksen

RSP brakaði ígjøgnum ljóðmúrin við sanginum “Send mær meira pengar”, sum júst er kosin ársins útvarpshitt. RSP vann eisini heiðursløn sum Ársins spíri á FMA.

RSP spælir framfýsnan hip-hop við ósmædnum tekstum og góðum løgum, og teir eru framúr á palli. Nú fara teir at spíla seg út á størsta tónleikatiltakinum í Føroyum, og tað verður minniligt.

Summar Festivalurin verður hildin dagarnar frá 3. til 5. august.

Bústaður

Summar Festivalur
Garðavegur 4
700 Klaksvík

Samband

Summar Festivalur © 2024. All Rights Reserved.