Ein partur av Summar Festivalinum er sonevnda Silvaland, sum er til børnini og familjurnar.
Silvaland heldur til í samanbygdu KÍ-høllini og Badmintonhøllini, og har verður mangt og hvat á skránni – spøl, aktivitetir, framførslur, dansur, undirhald, konsertir og annað.
Í ár verða konsertir við Bubu og við Trølla Pæturi og Ommuni. Eisini fer Sigmund at læra børn og ung at dansa.
Silvaland er uppkallað eftir Silva, og høvuðspersónurin sjálvur vitjar eisini í Silvalandi allar tríggjar dagarnar, sum Silvaland hevur opið.
Summar Festivalurin byrjar hósdagin og heldur fram fríggjadagin og leygardagin.
Her ber til at síggja skránna fyri Silvaland.
